Hanuman Chalisa
श्रीगुरु चरन सरोज रज, निज मनु मुकुरु सुधारि।बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।बल बुद्धि बिद्या देहु मोहिं, हरहु कलेस बिकार।।
जय हनुमान ज्ञान गुन सागर।जय कपीस तिहुं लोक उजागर।।
रामदूत अतुलित बल धामा।अंजनि-पुत्र पवनसुत नामा।।
महाबीर बिक्रम बजरंगी।कुमति निवार सुमति के संगी।।
कंचन बरन बिराज सुबेसा।कानन कुंडल कुंचित केसा।।
हाथ बज्र औ ध्वजा बिराजै।कांधे मूंज जनेऊ साजै।।
संकर सुवन केसरीनंदन।तेज प्रताप महा जग बन्दन।।
विद्यावान गुनी अति चातुर।राम काज करिबे को आतुर।।
प्रभु चरित्र सुनिबे को रसिया।राम लखन सीता मन बसिया।।
सूक्ष्म रूप धरि सियहिं दिखावा।बिकट रूप धरि लंक जरावा।।
भीम रूप धरि असुर संहारे।रामचंद्र के काज संवारे।।
लाय सजीवन लखन जियाये।श्रीरघुबीर हरषि उर लाये।।
रघुपति कीन्ही बहुत बड़ाई।तुम मम प्रिय भरतहि सम भाई।।
सहस बदन तुम्हरो जस गावैं।अस कहि श्रीपति कंठ लगावैं।।
सनकादिक ब्रह्मादि मुनीसा।नारद सारद सहित अहीसा।।
जम कुबेर दिगपाल जहां ते।कबि कोबिद कहि सके कहां ते।।
तुम उपकार सुग्रीवहिं कीन्हा।राम मिलाय राज पद दीन्हा।।
तुम्हरो मंत्र बिभीषन माना।लंकेस्वर भए सब जग जाना।।
जुग सहस्र जोजन पर भानू।लील्यो ताहि मधुर फल जानू।।
प्रभु मुद्रिका मेलि मुख माहीं।जलधि लांघि गये अचरज नाहीं।।
दुर्गम काज जगत के जेते।सुगम अनुग्रह तुम्हरे तेते।।
राम दुआरे तुम रखवारे।होत न आज्ञा बिनु पैसारे।।
सब सुख लहै तुम्हारी सरना।तुम रक्षक काहू को डर ना।।
आपन तेज सम्हारो आपै।तीनों लोक हांक तें कांपै।।
भूत पिसाच निकट नहिं आवै।महाबीर जब नाम सुनावै।।
नासै रोग हरै सब पीरा।जपत निरंतर हनुमत बीरा।।
संकट तें हनुमान छुड़ावै।मन क्रम बचन ध्यान जो लावै।।
सब पर राम तपस्वी राजा।तिन के काज सकल तुम साजा।।
और मनोरथ जो कोई लावै।सोइ अमित जीवन फल पावै।।
चारों जुग परताप तुम्हारा।है परसिद्ध जगत उजियारा।।
साधु-संत के तुम रखवारे।असुर निकंदन राम दुलारे।।
अष्ट सिद्धि नौ निधि के दाता।अस बर दीन जानकी माता।।
राम रसायन तुम्हरे पासा।सदा रहो रघुपति के दासा।।
तुम्हरे भजन राम को पावै।जनम-जनम के दुख बिसरावै।।
अन्तकाल रघुबर पुर जाई।जहां जन्म हरि-भक्त कहाई।।
और देवता चित्त न धरई।हनुमत सेइ सर्ब सुख करई।।
संकट कटै मिटै सब पीरा।जो सुमिरै हनुमत बलबीरा।।
जै जै जै हनुमान गोसाईं।कृपा करहु गुरुदेव की नाईं।।
जो सत बार पाठ कर कोई।छूटहि बंदि महा सुख होई।।
जो यह पढ़ै हनुमान चालीसा।होय सिद्धि साखी गौरीसा।।
तुलसीदास सदा हरि चेरा।कीजै नाथ हृदय मंह डेरा।।
पवन तनय संकट हरन, मंगल मूरति रूप।राम लखन सीता सहित, हृदय बसहु सुर भूप।।
The Hanuman Chalisa is a devotional hymn of forty verses addressed to Hanuman, attributed to the poet-saint Tulsidas, who wrote in the sixteenth century and is best known for the Ramcharitmanas.
The name explains the form. Chalis means forty in Hindi, and a chalisa is a hymn of forty verses. The Hanuman Chalisa opens with two dohas, couplets in which the poet asks for clear understanding before beginning, continues through forty chaupais, and closes with a final doha.
It is written in Awadhi rather than Sanskrit. That choice matters: Awadhi was the spoken language of the region, and composing devotional verse in it placed the hymn within reach of people who had no Sanskrit. The same decision shaped the Ramcharitmanas and is part of why both works spread so widely.
The verses recount Hanuman's strength, his learning, his service to Rama, and the episodes devotees know best — the leap to Lanka, the carrying of the mountain, the burning of the city.
Tuesday and Saturday are the days most associated with Hanuman, and the Chalisa is chanted on both, as well as during Hanuman Jayanti and at times when devotees seek courage or protection.
Bhakti
0:43Hanuman's Incredible Journey to Save Lakshmana
0:17🚩 Hanuman Ji Chanting Shri Ram Naam | Jai Shri Ram 🙏
0:40🙏 హనుమాన్ చాలీసా | Hanuman Chalisa Telugu | Jai Hanuman 🚩
0:55🚩 నమో ఆంజనేయం నమో దివ్యకాయం | Powerful Hanuman Devotional Song 🙏
1:00🙏 హనుమాన్ దండకం | Powerful Hanuman Dandakam Telugu 🚩
0:20🚩 Jai Hanuman | Powerful Bajrangbali Devotional Status 🙏
0:36🙏 Raghunandana | Hanuman Ji's Divine Devotion to Shri Ram 🚩
0:49🔥 హనుమంతుడి పవర్ఫుల్ డైలాగ్ | Hanuman Powerful Telugu Dialogue 🚩
0:28🚩 Hanuman vs Ravana | Epic Ramayana Battle Scene 🔥
Hanuman Chalisa | Powerful Hanuman Bhakti Chant
Powerful Bajrang Baan | Hanuman Devotional Chant
Shri Ram Ki Gali Mein Tum Jana | Joyful Hanuman Bhajan

